Braziliyanın "Flamenqo" klubu tarixində ikinci dəfə Libertadores Kubokunun qalibi olub.
Perunun paytaxtı Limadakı final görüşündə Argentina "River Pleyt"i üzərində qələbə qazanılıb - 2:1.
Hesabı 14-cü dəqiqədə Rafael Borre açsa da, 89 və 90+2-ci dəqiqələrdə Qabriel Barboza "dubl" edib. 90+5-ci dəqiqədə isə hər iki tərəf Qabriel və Eksekiel Palasiosun meydandan qovulması üzündən azlıqda qalıb.
Qeyd edək ki, bu, "Flamenqo"nun ikinci, "River Pleyt"in 11-ci finalı olub. Braziliya təmsilçisi ilk dəfə 1981-ci ildə Libertadores Kubokunun qazanıb. Argentina klubu 4 dəfə qalib ola bilib.